श्याम म्हाशाखेत्री(चंद्रपूर जिल्हा प्रतिनिधी)
चंद्रपूर:- दिनांक १३ ऑक्टोबर २०२४ रोजी, युवक काँग्रेस चंद्रपुर (ग्रामीण) जिल्हाध्यक्ष शांतनु भाऊ धोटे आणि युवक काँग्रेस चंद्रपुर तालुका महासचीव हर्षलभाऊ येलमुले यांच्या नेतृत्वाखाली तुकूम वॉर्ड, दुर्गापुर आणि कोंडी गावातील अनेक युवकांनी युवक काँग्रेसमध्ये उत्साहाने प्रवेश केला.
या प्रवेशामुळे युवक काँग्रेसच्या कार्यकर्त्यांमध्ये नवी ऊर्जा संचारली आहे. स्थानिक युवकांच्या समस्यांवर लक्ष केंद्रित करण्यासाठी व विकासाच्या दिशेने एकत्र काम करण्यासाठी या युनिटचा वाढलेला सदस्यसंख्या महत्त्वाचा ठरतो.
प्रवेश कार्यक्रमात युवकांनी एकजुटीने सामाजिक आणि राजकीय चळवळीमध्ये सक्रिय सहभाग घेण्याचे आश्वासन दिले. त्यांच्या या उत्साहाने युवक काँग्रेसच्या कार्यकर्त्यांना नवा उत्साह मिळाला आहे.
शांतनु भाऊ धोटे यांनी या कार्यक्रमात युवा शक्तीला एकत्र करून परिवर्तन साधण्याची गरज व्यक्त केली, तर हर्षलभाऊ येलमुले यांनी युवकांच्या सहभागामुळे पक्षाला अधिक ताकद मिळणार असल्याचे सांगितले.
युवक काँग्रेसच्या या वाढत्या सदस्यसंख्येमुळे स्थानिक राजकारणात एक सकारात्मक बदल घडवण्याची अपेक्षा आहे.
