वरोरा:- तालुक्यातील उखर्डा येथे आगळ्यावेगळ्या पद्धतीने तान्हा पोळा साजरा करण्यात आला. चिमुकल्यांना युवासेना तर्फे शालेय साहित्य वाटप करण्यात आले. विधानसभा प्रमुख रविन्द्र शिंदे व तालुका प्रमुख दत्ता बोरेकर यांच्या मार्गदर्शनाखाली युवासेना सैनिक अभिजित कुडे यांच्या नेतृत्वाखाली तान्हा पोळा आयोजित करण्यात आला. पारंपरिक वेषभूषा परिधान करून चिमुकल्यांनी तान्हा पोळ्याचा आनंद घेतला. या साठी माजी मुख्याध्यापक भास्करराव कुडे यांनी आर्थिक सहाय्य केले. सर्व चिमुकल्यांना बुक, पेन, पेन्सिल रबर, शार्पनर ईत्यादी साहित्य वाटप करण्यात आले. बाँड वाजवत गावातून मिरवणुक काढन्यात आली. यावेळी सामाजिक कार्यकर्ते शुभम हीवरकर, रोशन भोयर, विजय कुडे, योगेश पुसदेकर, मनोज कुडे, राहुल कुडे, वैभव पुसदेकर, राहुल डोमकावळे व गावातील युवक महिला पुरुष मोठ्या संख्येने उपस्थित होते.
