बियाणी नगर हाऊसिंग सोसायटी, तुकूम येथे नागरिकांनी नेहमीच सामाजिक व धार्मिक उपक्रम साजरे करत एकत्र येण्याची परंपरा ठेवलेली आहे. १२५ कुटुंबांनी वसाहतीत गुण्यागोविंदाने वास्तव्य केले असून, चंद्रपूर शहरातील एक आदर्श वसाहत म्हणून आपली ओळख निर्माण केलेली आहे. चंद्रपूर महानगर पालिकेने आयोजित केलेल्या “सुंदर माझे उद्यान 2.0 2024” या स्पर्धेत बियाणीनगर उद्यान समितीने सहभाग घेतला आहे. महानगर पालिकेने ठरवलेल्या निकषानुसार, स्थानिक नागरिक दररोज सकाळी आणि सायंकाळी श्रमदान करून आपापल्या कामात उत्साहाने सहभागी होत आहेत. आतापर्यंत उद्यानात पाण्याचा निचरा करण्यासाठी दोन शोषखड्डे तयार करण्यात आले आहेत. दोन दिवसांपूर्वी आलेल्या पावसामुळे बगीच्यातील पाण्याचा निचरा यशस्वी झाला, ज्यामुळे नागरिकांनी शोषखड्ड्याचे महत्त्व अनुभवले आणि भविष्यात रेन वॉटर हार्वेस्टिंग सारखे उपक्रम राबविण्याचा संकल्प केला.
बियाणीनगर येथील उद्यानाचा लोकसहभागातून होतोय कायापालट
RELATED ARTICLES